ஒரு இயக்குனரின் பார்வையில்

படத்தை பற்றி ஒரு சின்ன பாடல் வரியை பாடுகிறேன் உங்களுக்காக ...

"இன்னும் எத்தனை காலம்தான் ஏமாற்றுவார் இந்த சினிமாவிலே
அதை மக்கள் புரிந்து கொள்ள வேண்டும் தமிழ்நாட்டிலே
நல்ல படங்களை ஆதரிக்க மக்கள் உண்டு ஆனால்
அதை எடுப்பதற்குத்தான் ஆளில்லை சினிமாவிலே"

என்னால் முடிந்த எனக்குத் தெரிந்த ஒரு சிறிய பாடல் வரியை நான் இங்கே சொல்லிக்கொள்ள ஆசைப்பட்டேன் அவ்வளவுதான்....
படத்தை பற்றி .....

படம் தொடங்கும் போது காமெடியுடன் தான் தொடங்குகிறது. ஆரம்பமே சிரிப்பு என்றால் படம் நல்லா இருக்குமே என்று ஆவலோடு பார்க்க ஆரம்பித்தேன். கமெர்சியல் மாஸ் மசாலாவை நம்பின ஹீரோக்கள் அனைவரும் நல்ல கதைகளை தேர்ந்தெடுத்து நடிக்கப் போய்விட்ட நேரத்தில் தனுஷ் மட்டும் ஏன் இன்னமும் இந்த மாதிரி கதைகளை தேர்ந்தெடுக்கிறார் என்று புரியவில்லை.

தனுஷ் அவர்களே உங்களுடைய நடிப்பு ஆடுகளம் மற்றும் பொல்லாதவனில் நன்றாக வெளிப்பட்டிருந்தது. நான் கமெர்சியல் மாஸ் படங்களை தப்பு சொல்லவில்லை. அதே சமயம் வெறுக்கிரவனும் இல்லை. எந்த மாதிரியான நல்ல படங்கள் வந்தாலும் அதை மக்கள் ஏற்றுக்கொள்ளத் தயாராகத்தான் இருக்கிறார்கள். இந்தப் படம் பார்க்கும் போது எரிச்சல் தான் வருகிறது. நிறைய ப்ளாஷ் பாக் காட்சிகள் மற்றும் மனீஷாவிற்கு மகனாக வரும் ஒரு கதாபாத்திரம், அவனுடைய தாய் மனீஷாதான் என்று மக்கள் புரிந்து கொள்வதற்காவது இருவருக்கும் இடையே ஏதாவது ஒரு பேச்சு வைத்திருக்கலாம். படத்தில் ஹீரோயினுக்கும் வேலை இல்லை என்பதை படம் நீங்கள் பார்த்தால் தெளிவாக புரிந்து கொள்ளவீர்கள்.

மாப்பிள்ளை --- தகுதியை இழந்து விட்டது...

இந்தப் படம் பல பட விழாக்களில் பரிந்துரை செய்யப்பட்டு சிலவற்றில் வெற்றியும் பெற்றிருக்கிறது. எனினும் படம் பார்க்கும் போது ஒரு நல்ல அனுபவத்தை நம்மால் உணர முடியும் என்பதை படம் பார்த்த யாரும் மறுக்கவோ அல்லது மறைக்கவோ முடியாது.

படம் பார்க்கும் போது குழந்தையை வளர்க்க வேண்டிய தந்தை குழந்தை போல நடந்து கொள்ளவது மற்றும் சற்று வளர்ச்சியடையாத பருவத்திலே இருப்பது போலத்தான் கதை அமைக்கப்படிருக்கிறது. படத்தில் வரும் தந்தை மிக மிக நன்றாக நடித்திருக்கிறார். படத்தின் திரைக்கதையை மெதுவாகத்தான் நகர்த்தியிருக்கிறார் இயக்குனர் என்றாலும் படம் பார்ப்பதற்கு நன்றாகத்தான் உள்ளது நண்பர்களே. எனக்குத் தெரிந்து இந்தப் படத்தின் கதை மற்றும் கதாப்பாதிரங்களை தான் நம் தமிழ் சினிமாவில் எ. எல். விஜய் என்ற இயக்குனர் சியான் விக்ரம் அவர்களை வைத்து தெய்வத் திருமகன் என்ற படத்தை இயக்கி முடித்திருக்கிறார் என்பதால் படத்தின் கதையை நான் இங்கே சொல்ல விரும்பவில்லை காரணம் தமிழ் படத்தின் வியாபாரம் பாதிக்கப்படக்கூடாது என்பதற்காக...

நம் தமிழ் சினிமாவில் உலகநாயகர்களை போல நடிப்பதற்கு நிறைய பேர் இருக்கிறார்கள் ஆனால் பார்க்கும் போது நல்ல கதைகளை சொல்வதற்கு இங்கே இயக்குனர்கள் தான் இல்லை என்று எனக்கு தோன்றுகிறது. சில இயக்குனர்களை தவிர, பாலா மற்றும் அமீர் மற்றும் சிலர் ..... இப்படியே தமிழ் சினிமா போய்க்கொண்டிருக்குமானால் எந்தத் தலைமுறையிலும் உலக சினிமாவிற்கு சரிசமமாக பட விழாக்களில் பங்கேற்க முடியாது என்பதுதான் உண்மை. இதை அணைத்து இயக்குனர்களும், உதவி இயக்குனர்களும் புரிந்து கொள்ள வேண்டும்.

ஒரு விஷத்தை நான் இங்கே சொல்ல ஆசைப்படுகிறேன். விஜய் டிவி யில் வரும் குழந்தைகளுக்கான நல்ல கதையை படமாக்கும் போட்டி. அதில் போட்டியில் கலந்து கொள்ளும் குழந்தைகள் தான் இயக்குனர்கள் என்னத்த சொல்ல, ஏனெனில் குழந்தைகளுக்கு படத்தை இயக்குவது பற்றி ஒன்றுமே தெரியாது. விஜய் டிவி நிர்வாகத்துக்கு ஒரு வேண்டுகோள் தயவு செய்து சினிமாவை கேவலப்படுத்தாதீர்கள் என்பதுதான். இதைப் பற்றி விஜய் டிவி நிர்வாகத்துக்கு தெரியப்படுத்துங்கள் நண்பர்களே....

சியான் விக்ரம் நடிக்கும் படம் வெளிவந்த பின்னால் இரண்டு படங்களையும் சேர்த்து ஒரு பதிவில் எழுதுகிறேன். நன்றி நண்பர்களே ....

காவலன் விஜயின் 51 வது படமாகும். இதுதான் விஜயின் அடுத்த பயணத்திற்கான தொடக்கம் என்று சொல்லவதில் தவறு ஏதும் இல்லை. ஏனெனில் விஜய் நடித்துக்கொண்டிருக்கும் மற்றும் நடிக்க இருக்கும் படங்களின் வரிசையை பார்த்தால் நீங்களும் புரிந்து கொள்வீர்கள். வரிசை உங்களுக்காக
வேலாயுதம் --- ஜெயம் ராஜா
நண்பன் --- ஷங்கர்
பகலவன் --- சீமான்
பொன்னியின் செல்வன் --- மணிரத்னம்
கண்ணபிரான் --- அமீர்
மற்றும் யாவரும் நலம் படத்தின் இயக்குனர் விக்ரம் குமார், களவானி படத்தின் இயக்குனர் சற்குணம் ஆகிய இருவரின் இயக்கத்திலும் நடிக்க இருக்கிறார்.
இவற்றை எல்லாம் பார்க்கும் போது தனது அடுத்த பயணத்தில் இளையதளபதி நன்றாக பயணம் செய்வார் என்றுதான் அவருடைய ரசிகர்கள் எதிர்பாத்து காத்துகொண்டிருக்கிறார்கள்.

காவலன் படம் சில நண்பர்கள் பார்த்து விட்டு படம் சரியில்லை என்று சொன்னார்கள், அதை என்னால் ஏற்றிக்கொள்ள முடியாது, ஏனெனில் ஒரு படத்தை பார்க்கும் போது அதுவும் மாஸ் ஹீரோவான விஜய் படங்களை பார்க்கும் போது அவர் எவ்வாறு நடித்திருக்கிறார் மற்றும் எந்தவிதமான ரோலில் நடித்திருக்கிறார் என்பதை பார்க்க வேண்டுமே தவிர, முந்தய விஜய் படங்களை மனதிற்குள் கொண்டுவரக் கூடாது. படம் பார்க்கும் போது ஒரு நல்ல காதலின் உணர்வைக் கொடுக்கும் என்பதுதான் உண்மை. என்னடா இவ்வளவு நாள் கழித்து படத்திற்கு விமர்சனம் எழுதுறான் என்று நினைக்க வேண்டாம். நான் இங்கே சொல்ல வந்தது காவலன் மூலம் விஜயின் அடுத்த பயணம் தொடங்கிவிட்டது என்பதைத்தான். அனைவரும் புரிந்து கொள்ள வேண்டும் அதில் தொடக்கத்திற்கான முதல் படத்தை சில வரிகள் உங்களுடன் பகிர்ந்து கொண்டேன்.

படம் பார்க்கும் போது, நம் தாய் மொழியில் படித்தால் இவ்வளவு இன்னல்களுக்கு ஆளாக வேண்டுமா என்று ஒவ்வொரு தமிழனுடைய மனதிலும் தோன்றியிருக்கும். அதேபோல் நானும் படத்தை பார்க்கும் போது என்மனதிலும் தோன்றியது.படத்தை இயக்கியிருப்பது பாலு மகேந்திராவின் சிஷ்யனான ராம் என்பவர்தான்.

படம் மக்களிடத்தில் ஒரு நல்ல செல்வாக்கை பெரும் என்றும் அதே சமயம் லாபத்தை சம்பாதிக்கும் என்றும் இயக்குனர் நினைத்திருந்தால் இப்படிப்பட்ட ஒரு நல்ல திரைக் காவியத்தை நம் கண் முன்னால் கொண்டு வந்து அவரால் நிறுத்தியிருக்க முடியாது என்பதுதான் மறுக்க முடியாத உண்மை ஆகும். இப்படிப்பட்ட நல்ல படங்களை வரவேற்க வேண்டும் என்பதுதான் ஒவ்வொரு சினிமாக்காரனின் மறக்க முடியாத ஆசையில் ஒன்று. எனவே மக்கள் அதை புரிந்து கொண்டால் தான், திரைக் காவியத்தை தன வாழ்வில் ஒரு அங்கமாக அமர்த்தி தவறானவற்றை படங்களின் மூலம் புரிந்து கொள்ள முடியும் என்பதுதான் உண்மை.

பாலு மகேந்திராவின் இன்னும் ஒரு சிஷ்யரான நாம் அனைவருக்கும் தெரிந்த வெற்றிமாறன் அவர்கள், இரண்டு நல்ல காவியங்களை படைத்திருக்கிறார். அவை உங்களுக்காக.. பொல்லாதவன் மற்றும் ஆடுகளம்.
எல்லா சிஷ்யர்களும் குருவைப் போலவே இருந்தால் சினிமாவின் வெற்றியை எவராலும் தடுக்க முடியாது.

படத்தில் +2வில் நல்ல மதிப்பெண் பெற்று தன் தாய் மொழி தமிழை படிக்க கல்லூரியில் சேர்ந்தால் அங்கே உள்ள வாத்தியாரும் இந்த மார்க்குக்கு நல்ல enggineering college கிடைக்குமே என்று அவனுடைய ஆசையில் பின்னடைவை ஏற்ப்படுத்துவது எவ்வளவு பெரிய ஒரு தவறான விசயமாகும் அதை தெளிவாக அவன் பதில் மூலமாக சொல்லியிருக்கிறார் இயக்குனர்.

தமிழ் படித்து ஒரு பள்ளியில் மூன்று வருடங்களுக்கு மேல் வேலை செய்து வந்தாலும் அவனுடைய மாத வருமானம் 3000-5000 வரை தான் ஆனால் கணிப்பொறியில் வேலை பார்ப்பவர்களுக்கு மட்டும் ஒரே வருடத்தில் அவர்களுடைய வருமானம் தேவையை விட அதிகமாக கிடைக்கிறது என்பதுதான் உண்மை என்று காட்சிகளில் தெளிவு படுத்தியிருக்கிறார். இன்னும் ஒன்று சொல்ல போனால் அவர்கள் செய்யும் பந்தாவிர்க்கு எல்லையே கிடையாது. படத்தை பார்த்து அனைவரும் இன்னும் சில விசயங்களை தெரிந்கொள்ள வேண்டும். தமிழ் நாட்டில் தமிழ் பேசினால் என்ன தவறு இருக்கிறது. தமிழ் மொழி மூவாயிரம் வருடங்களுக்கு முன்பு இருந்தே இருக்கிறது என்பதை எவராலும் மறுக்கவும் மறைக்கவும் முடியாத ஒன்று என்பதை நான் அனைவருக்கும் நினைவு படுத்த விரும்புகிறேன்.

சாது மிரண்டா என்ற தமிழ் படம் ஏன் மக்களால் ஏற்றுக்கொள்ளப்படவில்லை என்று அலசும்போது எனக்கு தெரிந்த சில செய்திகளை உங்களுடன் பகிர்ந்து கொள்ள ஆசைப்படுகிறேன்.
படத்தில் சரியான கதாபாத்திரங்கள் தேர்வு இல்லாததும்...
படத்தை பற்றி சரியான விமர்சங்கள் வெளிவராததும்...
படத்திற்கு சரியான விளம்பரங்கள் இல்லாததும்...
படத்தில் புது முகங்கள் தான் நடித்திருக்கிறார்கள் என்று நினைத்தார்களோ என்னவோ .... மக்கள்...
படத்தில் நடித்தவர்கள் அனைவரும் வெளி உலகிற்கு தெரியாத ஏற்கனவே ஓரிரு படத்தில் நடித்தவர்கள் தான்...
இவை அனைத்தும்.........
படத்தின் திரைக்கதையை மிகவும் நுட்பமாக அமைத்திருக்கிறார் இயக்குனர். பொதுவாக சித்திக் படமென்றால் குடும்ப அனுதாபங்கள் அதிகாமாக இருக்கும் என்றாலும் கதையுடன் தொடர்புடையதாகத் தான் இருக்கும். படம் பார்க்கும் போது சரியாக கவனிக்காவிட்டால் படத்தில் யார்யார் என்ன கதாப் பாத்திரங்கள் என்பதை உங்களால் புரிந்து கொள்ள முடியாது. அவ்வளவு ஒரு நுணுக்கமான திரைக்கதை. படத்தின் கதையை இங்கே நான் குறிப்பிட்டுச் சொன்னால் புரியாது பார்த்தால்தான் புரியும்.
படத்தை இயக்கியவர் சித்திக். அனைவருக்கும் தெரியும் இவரை... சில மாதங்களுக்கு முன்பு இளையதபதி நடித்து வெற்றிகரமாக ஓடிக்கொண்டிருக்கும் காவலன் படத்தை இயக்கியவரும் இவரே... தமிழில் மொத்தம் நான்கு படங்கள் தான் இயக்கியிருக்கிறார். சித்திக் ஒரு நல்ல படைப்பாளி என்று சொல்லலாம் ஏனெனில் எல்லா படங்களும் அவருடைய சொந்த கதை மற்றும் திரைக்கதைதான் என்பதாகும்.